Archive for October, 2011

Pamagmasusi keng Aldo da reng Talaturu – Podcast

Ing podcast a ini patungcul ya queng Aldo da reng Talaturu (World Teachers’ Day). Maragul la ambag deng quecatamung talaturu uling ila ing magsilbing dalig ning malagung economia ning balen. Ing bansang dacal maleducadu masaquit yang minawa at e maging estable at makapilmi kapilanman.

Mumunang podcast: Paquilala

Uling atin kung iPod na ating capabilidad mag record suala. Ngeni sibukan que at nirecord ing mumuna cung podcast. Pakiramdaman ye at pagdamutan uling bayu cupa quening macanining ilig at ecupa macaying biasa. Dacal a salamat at luid kayu!

Nung misan eye aquit ing Soundcloud podcast. I refresh yemu ing browser angga keng lunto ya o i tap ing F5 keng keyboard. Dacal a salamat.

Calap

Ing tau melalang yang ating macadestinung caantabe queng bie – mapa caluguran, mapa asawa, mapa capatad, pengari, familia.

Manyaman harapan ing daratang istung atin t’ang abe. Itang makaintindi quecatamu at tatanggapan nacatamu bilang itamu, taung e dintang queng bie tamu ban canita bayuan nakatamu, nune abayan queng quecatang malagung bie at aldo-aldo karanasan at macanyan mu naman queya.

Lingapan at luguran, aldong pamiabe, ba canta ena magsisi istung ing aldo pamicawani datang na. Pamikawaning pisikal uling anggang kapilan man ena miquit queti labuad. Pero pakisabi cu, pantunan mucu ustung ing oras dintang na. Tuntunan at tukian cacung suala, yaku’t sucat manaya, calap.

Julius Mariano
Oktubre 5, 2011 1:19PM



Follow

Get every new post delivered to your Inbox.