Nung kareng balang dapat atin matang makalawe
At kareng balang mali alang makayadyang pamantabe
Lagi namung mipanyisi at mipanuldu kareng bague bague
Para nokarin yapa ing relasyun ampong pamiabe?
August 29, 2010
Archive for the 'Kalalangan at Literatura' Category
Ika Ing Mali, Ika Ing Mali
Published September 14, 2010 Inspirasyun at Aral , Kalalangan at Literatura , Poesya , Tula 2 Comments
Salamat Keng Uran
Salamat na mu keng patak ning uran
Misalikut sakit a kanakung panamdaman
King lalam ning dalumdum ampong patak ning danum
Anti ya mo kanaku ing banua maki-agum
Kabang ing uran durugpa king kakung lupa
Makisabe na ring tutulo ing kanakung lua
Ing puso ku kasalukuyan yang manangis
Uling ala naman kanakung manapis
Paburen me pang patak, e ka pa tutuknan
Keng kanakung lungkot, ume mu kung damayan
Isalikut mu ku king patak, patak na ning uran
Ala nang dapat makabalu keng pusu kong manamdaman
Dakal salamat… Salamat keng uran…
__________________
Roy Dela Cruz
July 29, 2010 | 10:04 pm
Angeles City, Philippines
¯¯¯¯¯¯¯¯¯¯¯¯¯¯¯¯¯¯
