Pamanugse basura

Sinulat kepu ini keng Facebook. Rerepublish kemu keni 🙂

Kapabalwan kareng kaluguran kung #kapampangan, na panibatan ning tula ku:

E kailangan mate keng Luneta banta maging metung tang marangal a Filipinu, kailangan tamumung maging makatau at maka kalikasan.

Nápun mu, kabang maglakad ku Greenbelt 2, menakit kung Filipinu a paka Amerikana, binilug ne ing papil na tatalnan na at pinitik ne keng bangketa. Alus siping na nya mu ing basuraan, kalapit nana rugu ot ene pa rugu iugse karin?

Reni reng bage na dapat tamu patugutan gagawan. Agyang ninu pang bayani ing ilage ta’ keng pamuntuk ning balen, agyang pilan pang Duterte ing ilage ta’ ken, alang malyari nung ing kapanugalyan a marawak at kapulkiryan, éta iwaksi. Manibatan kareng talatuking kalupa tamu ing tune súsi bakanta mabayu ing nanu mang e ustu at ayabut tamu bilang bansa nung nanu man ing pakikuanan tamu.

Atención a todos los pampangueños, fuente de mi felicidad.

No se necesita morir en Luneta solo para ser un Filipino digno. Solamente nos necesitamos ser humanitario y amante de la naturaleza.

Ayer, cuando estaba yo caminando en Greenbelt lo ví a un hombre llevando un papelito cuando de repente se lo arrugo al papel y lo tiró a la acera. ¿Cómo se le ocurriera tirar la basura a la banqueta cuando el cubo de basura esta muy cerca a el?

Estos son las cosas que tenemos que dejar de hacer. Incluso si lo votariamos a cualquier heróe a la presidencia, aunque votemos más de clase de Duterte en el Gobierno, nunca podriamos alcanzar algo bueno si no dejamos hacer malas cosas y las porquerías. Nosotros somos la verdadera clave para enderezar lo torcido y lograr todo lo que esperemos como un páis, para la nuestra patria

Advertisements

Pamagbalik

Kareng kakung kaluguran a Capampangan.

Tune na malwat mineng e a-uupdate ining kekeng blog. Ing tune sankan nung bakit, e balu yu na – sobrang maobra at okupadu ku keng dakal a bage.

Milabas ing madakal a panaun na etamu miabe abe queni, dapot ecu akakalingwan ing tune mision nung bakit tamu susulat Kapampangan – ikalat, iyagpa ing Amanung Sisuan, ing tune at metung a mayumung amanu na tinggap at minana tamu kareng kekatamung ninunu. Protektahan taya. Lingapan.

Asahan yu ing pamag balik na ning blog a ini, at sana basan ye.

Mumunang podcast: Paquilala

Uling atin kung iPod na ating capabilidad mag record suala. Ngeni sibukan que at nirecord ing mumuna cung podcast. Pakiramdaman ye at pagdamutan uling bayu cupa quening macanining ilig at ecupa macaying biasa. Dacal a salamat at luid kayu!

Nung misan eye aquit ing Soundcloud podcast. I refresh yemu ing browser angga keng lunto ya o i tap ing F5 keng keyboard. Dacal a salamat.

Calap

Ing tau melalang yang ating macadestinung caantabe queng bie – mapa caluguran, mapa asawa, mapa capatad, pengari, familia.

Manyaman harapan ing daratang istung atin t’ang abe. Itang makaintindi quecatamu at tatanggapan nacatamu bilang itamu, taung e dintang queng bie tamu ban canita bayuan nakatamu, nune abayan queng quecatang malagung bie at aldo-aldo karanasan at macanyan mu naman queya.

Lingapan at luguran, aldong pamiabe, ba canta ena magsisi istung ing aldo pamicawani datang na. Pamikawaning pisikal uling anggang kapilan man ena miquit queti labuad. Pero pakisabi cu, pantunan mucu ustung ing oras dintang na. Tuntunan at tukian cacung suala, yaku’t sucat manaya, calap.

Julius Mariano
Oktubre 5, 2011 1:19PM

Ume Ca

Julius Mariano
08/25/2011
11:00PM

Ume ca at maratun cacu
Queng siping ku, queng lele ku
Saluputan keng queng cacung lugud
Micabus queng alang patugut a gulasio, queng alang patnang gulait
Manangis keng casaquitan, queng sugat.

Wangis-wangisan ing quecang penibatan
O’t tune mung kelingwan ing kekang pupuntalan
Lakwas at kusang lub mebating ing ukul
Cambe ning tune prinsipyu’t pangarap
Nukarin ca abe?

Pebusten nang menari reng dapu
Keng silung dareng tune hari
Hari keng lugal a dapat sana malaya, alang tacut
Hanggang kapilan agwantan ing saquit
Ning patsit a makakalait keng balat.

Ibuklat deng mata
Panakawanan ing sala
Sála na tune keka
Abak na abe
Ume naca

Poema Para Kareng Ima

Ginawa kupung metung a poesya yandug para kang Ima ku at kareng aliwa pang Inda na alang ampat susuyu kareng karelang anak. Inda na kaluguran tamu at magsilbing sala ning kekatamung bie bilang tau at bilang anak ning yatu.

Mesulat yapu ini keng amanung kastila, makanyan man, babaldug kepu keng amaung kapampangan ban kanita, abasa yemu naman. Eku pu ekspertu keng amanung kastila nune mu papasyag kupu ing kakung lugud poesya kapamilatan na ning amanung kastila na kelingwan tamung Pilipinu. E pu masusukat ing kekatamung panga Pilipinu keng nanu pa man, nune ing tune lugud keng kalalangan tamu ampon ing ali pamagtakwil keng kekatang pipumpunan bilang tau.

Salamat kang Roxana Saracho Aguilar keng pamag-ustu kareng kakung letra kastila.

Mamá
Julius Ardino Mariano

No te rindas, porque me muero
No llores, porque me duele
No te confundas, porque me descarrilo
Ni te olvides de mi, porque me pierdo.

En tus manos me cuidas
En tu alma me envuelves
Tu cariño nunca esta perdido
Como el sol con sus rayos que duran para siempre

No dejes de rezar, que viva la esperanza
Porque tus oraciones se encuentran aun perdidas
Mantén la lucha por esa libertad tan apreciada
Por que sin ella, se te apaga el alma

No mientas mas, tu dolor resuena en todas partes
Tu alma se muestra dulce, pero su interior en agonía esta
Lastima que la vida es un espejo de ironía
Donde les entregas tu ser, y al final del camino no volverán mas.

Kapampangan

Ima

Eka susuku, uling ikamate ku
Eka manangis, uling ikapanasakit ku
Eka sa paitaranta, uling ikadiskaril ku
Emuku kakalingwan, uling ikaluse ku.

Keng kekang gamat, yaku malilingap
Keng kekang kaladua, yaku mibabalut
Ing kekang lugud, e mewala kapilanman
Anti mo ing aldo, ing queyang iyas lumuat akiang kapilan.

Eka tuknang mangadi, isinup simpan ing kekang kapanayan
Uling ing kekang pangadi, epa miabut at me ramdam
Isundu mu ing laban keng kekang katimawan
Uling nung ala ita, mawala kekang pangatau

Enaka maglaram, ing kekang kapandaman damdam keganaganang lugal.
Ing kekang kaladwa papakit tula, dapot ing kekang kilubluban katmu yang pamagkasakit
kamarinayan uling ing kekang bie katmu yang ironia
Ibie ing kekang sarili, at para ala nang magbalik keka keng kapupusan.