Tágal Ka?

Tágal ka? – ing maralas a kutang istung malapit na ing eleksyun local o nacional keng radyu ampong TV. Keng makatulang analohiya, kailangan mo wari ating pupulandit para ating tágal?

Ikatamu bilang mayap a memalen, atin tamung makayatang a obligasyun na pagsilbian taya ing balen agpang keng mebieng upaya kekatamu para malal pulitikung mamuna keng pamagplanu at pamanyulung.

Maralas at ini katutuan, dakal kekatamu na ena bisang bumotu. Etala asisi uling ing sistema ning pamagbotu, mepangan neng korupsyun. Makarine man pung aminan pero metung ku kareng mapilan a taung ngeni pa megparehistru at mamasang bumotu keng daratang a alalan. Kalupa da reng dakal, metung ku naman kareng taung mamasa na datang ing aldo, makatupa tamung lider na ating malasakit at sapak kebalwan para keng pamanyulung na ning kekatang balen.

Kadatang da reng Hapon keti bayu ing guera, mengapamulala la kareng sementadung dalan tamu at keng kekatang teknolohiya. Ikit da na atin tamung masanting a sistema comercio at transportasyun. Maniwala kayung 1892 pamo atin tanang tren keti Pilipinas? Pantunan ye ing Ferrocarril de Manila-Dagupan na ngeni Philippine National Railways (Pambansang Daangbakal ng Pilipinas).

Kayari na ning guerang hapon, ing Amerika sinabi na ing Filipinas ing ating maragul a pamagkataun a sumanting bili ekonomiya keng daratang a panaun. Pero nukarin tamu ngeni?

Eku buring isipan na reng kekatamu mung lider deng ating problema. Balu ku at maniwala ku na bawat metung kekatamu ating pamagkulang. Dapot nung ibuklat tala reng mata tamu, reng mangagaling a lider kareng bansa keng Asya asalese dala reng bansa da angga pang ditak o halus ala lang natural resources. Epu makapagtaka ita? Ati talaga keng lider ne?

Ngeni pu, makisabi kupung mayap kareng kayanakan at kareng dati nang magbotu, na sana pu pakapilinan tala reng kekatang ibotu. Ditak tana mu pagpilinan pero balu ku atin pang mapilan pang lider kekatamu na ating pusu at ating planu para kekatamu ngan. Saupan tala. Alal tala at iakyat bilang maging ganap a pamuntuk na ning kekatang balen.

Talakad tamu para keng kekatang panyulung. Magbotu tamu. Makilauk tamu. Abak na; ume tana keng siwala.

julius mariano, kapampangan blogger

Advertisements

5 Responses to “Tágal Ka?”


  1. 1 Kurog Oktubre 26, 2009 bandang 3:27 umaga

    Makarine man pung aminan, metung ku karetang sinabi yung e na bisang bumotu uling agyang ninu ing ibotu tamu, ala pa mu rin malilyaring pamagbayu keng estadu na ning kekatang bansa.

    Ing tutu na nini, ini ing mumunang beses na dapat bumotu ku, o neneg mag-adwang isip ku uling ali ku balu nung ninu ing dapat ibotu.

    Sana, bayu miras ing alalan, makapagdesisyun naku, at akit ku na nung ninu ing karapat-dapat keng botu ku. ^_^

  2. 2 Roy Oktubre 26, 2009 bandang 2:57 hapon

    kabayat na abe!

    tutu pin kailangan, pero kailangan ta ya mu pin talagang pilitan ing sarili tamu uling talagang makasawa. adyang mipalitan la reng mamuntukan, ya pa rin kwento.

    pag-asa, ita na mu talaga ing kekatang tatalnan. a sana minsan a aldo, atin talagang lumput a masalese lider king kekatamung bansa. ampo potang dinatang itang aldo ita, sana naman ikatamu makasadyang gawan ing parte tamu.

  3. 3 John Frondarina Oktubre 25, 2010 bandang 1:57 umaga

    Mapagal a pamagboto!

    Ngeni alas syete pa ning abak atyu naku king lugar kung nukarin ko dapat bumotu. Pero ing makatula ala la king sistema at ela organisado ding manimuna ka rin.. dirutan ke ing mabilog a eskwela apantun kemu ing presinto ku (0300B). Ninyang apantun kune ing lagyu ku nman ing ala.. dios ko neh, keni daku tiru ninyang mengutang ku king information booth kilwal oh bat kamukat-mukat ala ya ing lagyu ku… masanting la pa ding mengamate ming kamag-anak atin lang lagyu..


  1. 1 tágal ka? « panyulat kapampangan Trackback nasa Hunyo 22, 2010 bandang 1:48 hapon

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s





%d bloggers like this: