Kaluguran kung cabalen, karetang epa menakit ketang bayung petalakad ning parokya ning Holy Rosary keti Angeles, atin tamu pung bayung imahen ketang bandang gilid ning pisamban. Pasibayu da ne rin pung biklat itang prayer section ketang entrada.
Mumuna ye pung akit itang rebultu ning La Pieta ketang bandang arap ning kadwang pasbul keng gilid palwal. Kayi istung lumwal kayu, atin tamu rin karin imahen ne ning Apung Birhen na atin yan kikilikan a Niño. Para ya kanu kareng imang manyawad anak sabi na pung Bishop Pablo David anyang ipasyag ne na-kadwang dumingu.
Asne kasanting pangagawa ing rebultu ning La Pieta kaya eku apigilan na kwanan keng litratu para ipakit pu kekayu. Mibabawi ne ing pisamban tamu ngeni, ne po? At pasanting yapang pasanting uli da reng proyektu ng Bishop Ambo.
Sana pu patuluy tayang ingatan ing bale ning kekatamung Guinu keti baryu at suportan tala ngan pu reng anggang proyektu na bangkanita lalu ya pang sasanting ing kekatamung balen.
Mequeni Cabalen 
potang muli ku im sure munta ku ken ulit kc memorable ya kku ing simbahan ayan. ken kmi laging sisimba anyang aliya ya pa bubuktut misis. ngeni 1 yr old ne ing baby ku. pero angga ngeni sisimba ya pa ken i misis ku.
ots&baks, dakal pung salamat keng pamagdalo yu keng blog mi. ikamirin mipapamilya ken ke sisimba. Palage ku ati ka keng aliwang bansa. Mingat ko ken. =)
dakal po salamat. wapin po eh chu ku pin keng aliwang bansa. chu ku pu iraq knini. keni ku makipagsapalaran.
tnx and more power to your blog..
dakal salamat keng suporta ots&baks. mikit ikit tamu ulit kening blog tamu.
ali ke pa pu akakit ita, malambat nku pu kasing e bibisita keng Holy Rosary eh. Anyways, thanks on the news.!
kumusta na?
masaya ku patuloy ya pa rin ing kekayung pamanyulat king Amanung Sisuan.
ampong salamat, e ke yata apapansinan itang bayung La Pieta a ita, siguro bukas puntalan ke. paganaka ne rin siguro kanaku ing sinulat mu, uling malambat na ku e mipapasyal karin.
Dakal salamat, Kong Roy. 🙂 A wa. masanting ya ing rebulto atiu keng pisamban maragul. 🙂
nice jay..